Oblys aktıvimen kezdesýde Darhan Jazyqbaı memlekettik qyzmetti jańǵyrtýǵa qatysty Memleket basshysy alǵa qoıǵan mindetterdi júzege asyrý aıasynda atqarylyp jatqan is-sharalar jaıynda aıtty. Olar memlekettik apparatty bıýrokratııadan aryltýdy, ony adamǵa baǵdarlanǵan servıstik sıpatta damytýdy, memlekettik qyzmetke kirýdi barynsha ashyq etýdi, jastardyń jáne jeke sektordaǵy kásibı mamandardyń memlekettik qyzmetke kelýin jeńildetýdi qamtıdy.
Agenttik tóraǵasy otandyq memlekettik qyzmetti damytýdyń 2024-2029 jyldarǵa arnalǵan tujyrymdamasy qabyldanyp, onyń qoldanystaǵy júıeni zaman talaptaryna saı jetildirýge baǵyttalǵanyn aıtty. Ol saladaǵy jańashyldyqtar Prezıdent atap kórsetken «Adam memleket úshin emes, memleket adam úshin» degen irgeli qaǵıdany negizge ala otyryp júzege asyrylyp jatqanyn atap ótti.
«Barshaǵa teń múmkindikter týdyratyn ádildik prınsıpin negizge alý jáne adal, ashyqbolý memlekettik qyzmetshiler úshin basty ustanymǵa aınalý qajet. Memleket basshysynyń Qazaqstan halqyna joldaýyndaǵy«Kez kelgen istiń basty ólshemi tıimdilik bolýǵa tıis. Iаǵnı, árbir sheshim, árbir joba eń aldymen elge paıdaly bolýy qajet» degen sózin memlekettik qyzmetshiler óz qyzmetinde negizgi baǵdarǵa alýy tıis», dedi MQIA tóraǵasy.
Sapar aıasynda Darhan Jazyqbaı oblys boıynsha bıyl О́ńirlik kadr rezervine iriktelgen jastarmen arnaıy kezdesti. Ol rezervke irikteý árbir óńirde tyń ózgeristerdi iske asyrýǵa qabiletti jas basqarýshylardyń pýlyn qalyptastyrýǵa baǵyttalǵanyn jáne olarǵa úlken jaýapkershilik júkteıtinin aıtyp, alda atqarar jumystaryna sáttilik tiledi.
Sondaı-aq Darhan Jazyqbaı Qaratal jáne Kerbulaq aýdandarynyń Halyqqa qyzmet kórsetý ortalyqtarynda bolyp, memlekettikkórsetiletin qyzmetterdiń sapasymen tanysty. Aıta ketý kerek, Jetisý oblysynda aǵymdaǵy jyldyń 1 jartyjyldyǵynda 2,5 mln. astam memlekettik qyzmet kórsetilip, onyń 98,4%-y elektrondyq nysanda usynylǵan. 2023 jyly memlekettik qyzmet kórsetý sapasynyń qoǵamdyq monıtorınginiń nátıjeleri boıynsha Jetisý oblysy respýblıka boıynsha 9-oryndy ıelengen.
Jumys sapary barysynda Darhan Jazyqbaı oblystyq «Jetisu» telearnasyna memlekettik qyzmetti damytýdyń jańa tujyrymdamasynyń negizgi baǵyttary menolardy júzege asyrý sharalary týraly suhbat berdi.
