Foto: depositphotos.com
Oǵan belgisiz adamdar qońyraý shalyp, ózderin kúsh qurylymdarynyń qyzmetkerleri retinde tanystyrǵan. Alaıaqtar onyń banktik shotyna kúmándi operasııa júrgizip jatqanyn jáne sol isti tergep jatqanyn aıtyp sendirgen, qolsuǵýshylyqty toqtatý úshin zeınetker jıǵan-tergenin basqa banktegi «qaýipsiz shotqa» aýdarýy tıis bolǵan. Buny estigen qala turǵyny kórsetilgen bankke 3 mıllıon teńge somasynda qolma-qol aqsha alyp bara jatqan. Biraq aqshany bankomat arqyly qalaı aýdarý kerek ekenin bilmegen, barar jolda polısııa beketin kórgen. Asyqqan áıel bekettiń ishinde otyrǵan polısııa qyzmetkerinen kómek suraýdy jón kórgen.
Modýlde kezekshilikte otyrǵan patrýldik polısııa batalonynyń ınspektory Almat Muhametqalıev zeınetkerdi tyńdap, habarlasqan beıtanystardyń alaıaqtar ekenin aıtqan. Birden jedel tergeý tobyn shaqyrǵan. Atalǵan fakti aqparatty esepke alý kitabynda tirkeldi. Osylaısha, tártip saqshysy qylmystyń aldyn aldy.
