Tarazdyq «DEM» jeke teatrynyń ártisteri oınaıtyn spektakl rýhty qalamger Oralhan Bókeıdiń «Qasqyr ulyǵan túnde» áńgimesiniń jelisimen daıyndalǵan.
Absýrd janryndaǵy bir saǵattyq kameralyq formattaǵy qoıylymnyń oqıǵasy sonaý HH ǵasyrdyń jetpisinshi jyldarynda oryn alǵan. Avtordyń əńgimede oqyrmanǵa qaldyrǵan suraqtaryna kópshilik əli de jaýap izdeýde. Spektakldiń keıipkerleri de osy izdenistiń ústinde júredi.
- Bul spektaklde basty keıipker joq. Basty keıipker – sol jyldardaǵy qoǵam. 70-80 jyldardaǵy júıe, qorǵansyz Araıdyń, jadaǵaı tirshilik keshken qazaq aýyly men turǵyndardyń taǵdyry sýretteledi. Bir saǵattyq qoıylymda kórermen úmitke umtylǵan qorǵansyz adam janynyń qategizdikpen aıqasyn sezinedi, deıdi spektakl rejısseri Erasyl Bıtanov.
Spektakl «Rysbaeva ı Ko» kompanııasynyń jáne «A-STATUS» jekemenshik bilim kesheniniń quryltaıshysy, belgili kásipker, Moıynqum aýdanynyń Qurmetti azamaty Sáýle Maqshanqyzy Rysbaevanyń demeýshiligimen qarjylandyrylyp, qoıylýda.
