Foto: «Amanat» partııasynyń baspasóz qyzmeti
«Elektr energııasyn jetkizýdegi kez-kelgen úzilister óndiristiń toqtap qalýyna, shyǵarylatyn ónim kóleminiń tómendeýine jáne jumys oryndarynyń azaıýyna ákelýi múmkin. Sol sebepten jańa energııa kózin engizý qajettiligi kásiporyndar úshin ǵana emes, qala turǵyndarynyń tirshiligin qamtamasyz etý úshin de mańyzdy», dep atap ótti Shapaq Únzıla.
Sondaı-aq shtab músheleri atalǵan kezdesýlerdiń barysynda birqatar damyǵan elderde qandaı da bir zaqymsyz jumys júrgizilip jatqan birneshe AES bar ekenin aıtty. Sondaı-aq AES salýdyń mańyzdylyǵy men artyqshylyqtary talqylanyp, elimizge AES ne úshin qajet ekenin túsindirdi.
«Referendým – qoǵam men memleket úshin óte mańyzdy másele, ony birge sheshý kerek. AES salýdyń mańyzdylyǵy men artyqshylyqtaryn bárimiz túsinýimiz kerek», dedi Adambekov Tilektes.
«Amanat» partııasynyń baspasóz qyzmetiniń málimetinshe Shtab músheleri AES elektr energııasynyń turaqty jáne senimdi kózin qamtamasyz etýdiń negizgi sheshimi bolýy múmkin ekenin atap ótti, bul ásirese osyndaı iri energııa tutynýshylarǵa ózekti másele.
