Foto: Astana Hub baspasóz qymeti
Aıta keteıik, atalǵan joba «Deni saý ult» ulttyq baǵdarlamasy aıasynda halyqtyń densaýlyǵyn jaqsartýǵa baǵyttalǵan.
Innovasııalyq medısına ǵylymı-klınıkalyq ortalyǵy dárigerlerinen quralǵan komandanyń aıtýynsha, jobanyń negizgi maqsaty - halyqqa tegin ári qoljetimdi skrınıng usyný. Platforma jalpy qan analıziniń nátıjelerine negizdelgen ımmýnologııalyq derekterdiń keń aýqymyn taldaıdy. Sonymen qatar jasyryn ınfeksııalardy anyqtap, organızmniń aýrý-syrqaýǵa, ekpege, fızıkalyq júktemeler men stresske áserin baqylaýǵa kómektesedi. Sondaı-aq ımmýnıtetti qalypta ustap, nyǵaıtý úshin usynymdar beredi.
«Oıymyzda jobanyń alǵashqy ushqyny paıda bolǵan 2016 jyldan beri platformany ázirleýge 8 jyldan astam ýaqyt jumsadyq. Osy ýaqyt ishinde 4 avtorlyq quqyq alyp, saýda markasyn tirkep qana qoımaı, platformanyń qurylymyn qaıta qarap, jasandy ıntellekt kiriktirdik. Bıyl shildede ónimdi óndiriske sátti engizip, belsendi qoldanyp jatqan klınıkalar men emhanalarda jaqsy kórsetkishter baıqap otyrmyz. Platforma usynǵan nátıjelerdiń dáldigi ortasha eseppen 98,7%-dy quraıdy. Munyń tájirıbe men ǵylymı turǵyda dáleli bar», dedi ImmuniGuide negizin teń qalaýshy, medısına ǵylymdarynyń doktory, dáriger-onkolog Nurlybek О́derbaev.
Jobanyń basty artyqshylyǵy – medısınalyq derekterdi joǵary jyldamdyqpen jáne dáldikpen óńdeı alatyn jasandy ıntellekt, bul egjeı-tegjeı jekelendirilgen esepterdi kez kelgen tilde usynýǵa múmkindik beredi.
Otandyq ónim densaýlyq saqtaý salasyn jaqsartý úshin joǵary áleýet kórsetip, halyqaralyq alańǵa shyǵýǵa daıyn ekenin kórsetken. Joba shet elderde qyzyǵýshylyq týdyryp, atap aıtqanda, Malaızııa tarapymen platformany sol aımaqta synaqtan ótkizý boıynsha kelissózder júrgizilip jatyr. Aldaǵy ýaqytta tehnologııa aıasyn keńeıtip, Azııa, Eýropa men AQSh elderine engizý josparlanyp otyr.
