Foto: Oqu-agartu ministrligi
Oqý-aǵartý mınıstrliginiń baspasóz qyzmetiniń málim etýinshe oqýshylarymyz birneshe baǵyt boıynsha kósh bastap qana qoımaı, 190 eldiń arasynan basty júldeni jeńip alyp, rekordtyq nátıjege qol jetkizdi.
«Biz jarysta top jaryp, elimizdiń júlde qorjynyn altyn medalmen tolyqtyrdyq jáne rekordqa qol jetkizdik. Álemniń birde-bir eli eki dúrkin chempıon bola almady, al bizdiń balalarymyz úshinshi jyl qatarynan jeńis tuǵyrynan kórindi. Aıta ketý kerek, komanda quramy osy jyldarda qaıtalanǵan emes, elimizdiń namysyn qorǵaýǵa ár jarysqa únemi jańa oıynshy attanyp otyrady, olar saıystyń ulttyq kezeńinde irikteledi», deıdi qordyń negizin qalaýshy jáne quramanyń jattyqtyrýshysy Asylbek Murzahmetov.
Komanda quramyna Almaty qalasynyń FMB NZM-niń oqýshylary: Erdáýlet Túrgenbaev, Álfııa Baıjaqyp, Nurjan Kókeev, Dosjan Daıran, Qadylbek Dastan endi. Jattyqtyrýshylary – Nurdáýlet Dosmaǵambet pen Dýlat Baıtýlenov.
Grand Challenge Award nomınasııasy boıynsha altyn medal men oıyndardaǵy rekordtyq upaı sanynan basqa, Qazaqstan júlde qory joǵarǵy tóreshiler nomınasııasynda eki kúmis medalmen tolyqty: A.Eınshteın atyndaǵy FIRST Global International Excellence jáne úzdik ınjenerlik ázirlemeler úshin Robots Skills Challenge. Budan basqa Ál-Horezmı atyndaǵy Outstanding Supporter nomrnasııasynda kúmis medalmen otandyq USTEM FOUNDATION jas ınjenerlerge kórsetken qoldaýy úshin marapattaldy.
