foto Senattyń baspasóz qyzmeti
Áskerı qyzmetshilerdiń ómiri men densaýlyǵyna jáne áleýmettik beıimdelýine laıyqty jaǵdaıdyń bolýy olardyń beıbit ýaqytta da, soǵys ýaqytynda da psıhologııalyq ahýaly men qaýipsizdigine tikeleı áser etedi. Atap aıtqanda, qazirgi zamanǵy qarý-jaraqpen tıimdi jáne qaýipsiz qyzmet atqarýda áskerdiń moraldyq turǵyda daıarlyǵy sheshýshi ról atqarady.
Otyrysqa qatysýshylar keıingi ýaqytta Qarýly Kúshter qatarynda bolǵan qoǵamdyq narazylyq týǵyzǵan birqatar oqıǵalardy atap ótti. Senatorlar sondaı-aq Memleket basshysynyń áskerı qyzmetshilerdiń densaýlyǵy men qaýipsizdigi erekshe baqylaýda bolýy tıis degen tapsyrmasyn eske saldy.
Qorǵanys mınıstrliginiń ókili óz kezeginde ásker ómirin jaqsartý jóninde jumys júrgizilip jatqany jáne qyzmet jaǵdaıymen qosa laýazymdyq jalaqy men aqshalaı úles kezeń-kezeńmen ulǵaıǵany týraly habarlady. Alaıda, áleýmettik jeńildikter toptamasy áli jetildirýdi talap etedi.
Sonymen qatar áskerı qyzmetshilerdi sapaly tamaqtandyrýdy uıymdastyrýdy qaıta qaraý máselesi de kóterildi.
