Foto: Sý resýrstary jáne ırrıgasııa mınıstrliginen
Atalǵan fılıal Kúrshim, Marqakól aýdandarynda Jaýǵashty, Qaraqııa, Pobeda magıstraldy kanaldaryn rekonstrýksııadan ótkizýdi josparlap otyr.
Úsh nysan boıynsha jobalyq-smetalyq qujattama ázirlenip jatyr, ony jyl sońyna deıin aıaqtaý kózdelgen. Búginde topografııalyq túsirilim, geologııalyq jáne geodezııalyq is-sharalar aıaqtalǵan.
Sondaı-aq Zaısan aýdanynyń Úıdene sýarý júıesiniń 2 magıstraldy kanalynda avtomattandyrý júıesin qalpyna keltirý jumystary da aıaqtaldy. Budan bólek, bıyl kanaldar arqyly sý berý sapasyn jaqsartý úshin Zaısan aýdanyndaǵy Qaratoǵam magıstraldy kanalynda sý kólemin esepteýge arnalǵan sý beketin qalpyna keltirý kózdelgen.
«Bıyl Shyǵys Qazaqstan oblysy boıynsha «Qazsýshar» fılıaly Kúrshim, Zaısan, Tarbaǵataı aýdandarynyń 43 shaqyrym kanalyn mehanıkalyq tazartý jumysyn júrgizdi. Jyl basynan beri fılıal kanaldar arqyly 9140 ga sýarmaly jerge 36,7 mln tekshe metr sý berdi. Ol úshin sharýalarmen 556-dan astam kelisimshart jasaldy», dedi Nurjan Ámirjanov О́ńirlik kommýnıkasııalar qyzmeti alańynda.
