Foto: Aqmola oblysynyń ákimdigi
«Aýyldyq densaýlyq saqtaýdy jańǵyrtý» ulttyq jobasy aıasynda nysandardyń qurylysyna bıýdjetten 10 mıllıard teńgege jýyq qarajat bólingen. 43 myńnan astam aýyl turǵyndary medısınalyq qyzmetke qol jetkizedi dep josparlanǵan.
Alǵashqylardyń biri bolyp Egindikól aýdany, Baýmanskoe aýylynda jańa feldsherlik-akýsherlik pýnkt ashylǵan. Onyń qurylysyna bıýdjetten 246 mıllıon teńge bólingen. FAP kúnine 40 naýqasty qabyldaı alatyny atap ótildi.
«Qazir basqa da medısınalyq nysandardyń qurylysy júrip jatyr, olar jyl sońyna deıin kezeń-kezeńimen ashylady. Barlyq MSAK aýrýhanalary shalǵaı aýyldyq eldi mekenderde salynyp jatyr, bul aýyl turǵyndarynyń medısınalyq kómekke qoljetimdiligin aıtarlyqtaı jaqsartady. Bul rette 20-dan astam densaýlyq saqtaý nysanynda kúrdeli jóndeý jumystary júrgizilip jatyr. Bul úshin bıýdjetten 3 mıllıard teńgege jýyq qarjy bólingen. Bul medısınalyq ınfraqurylymnyń tozýyn azaıtyp, medısınalyq qyzmet kórsetý sapasyn arttyrýǵa septigin tıgizedi», dedi oblys ákiminiń orynbasary.
Aıta keteıik, feldsherlik-akýsherlik pýnkt 800-ge jýyq adamdy quraıtyn Baýmanskoe jáne Qorjynkól aýyldarynyń turǵyndaryna qyzmet kórsetedi. Ol ártúrli medısınalyq kómek kórsetýge arnalǵan arnaıy kabınettermen jabdyqtalǵan.
