Foto: О́KQ
«Bul - qurylǵanyna 80 jyl tolǵanyn keshe ǵana dúrkirete atap ótken qasıetti ólkeniń tarıhynda aıryqsha jańalyq. Aýdanda buqaralyq sport pen dene shynyqtyrýdy damytý, salaýatty ómir saltyn qalyptastyrýda jumystary keńinen qanat jaıyp keledi. Aýyldardyń kelbeti men tynys-tirshiligi jańa keıipke enip, Jasqaırat pen Tasshaǵylda sport keshenderiniń el ıgiligine berilip jatyr. Elimizdiń rýhty erleri, jeńisti uldaryn tárbıeler berekeli oryn bolǵaı!», dedi S.Shápkenov.
Aıta keteıik, sport keshenderinde fýtbol, voleıbol jáne basketbolǵa arnalǵan alań, kúres zaly, kıiný bólmesi bar. Sonymen qatar 150 kórermenge arnalǵan trıbýna qoıylǵan. Zamanaýı úlgidegi qajetti qural-jabdyqtarmen jaraqtalǵan.
Bir qyzyǵy. Qyzylqoǵa aýdanynda 10 myńǵa jýyq turǵyn buqaralyq sportpen turaqty túrde shuǵyldanady. Qazir aýdandaǵy on aýyldyq okrýgtiń ekeýinde ǵana sport kesheni bar. Keler jyldyń aıaǵyna deıin jeti sporttyq nysan paıdalanýǵa beriledi dep josparlanǵan.
Sondaı-aq bıyl segiz aýylda 11 ashyq sport alańynyń qurylysy bastalǵan, ony 2025 jyly aıaqtaý josparlanǵan.
