Foto: Jangeldi ÁBDIǴALYM
Saltanatty is-sharaǵa Qaraǵandy oblysynyń ákimi Ermaǵanbet Bólekpaev qatysyp, jıylǵan jurtty aıtýly meırammen quttyqtady.
«Qymbatty qaýym, qadirli jerlester! Barshańyzdy Respýblıka kúnimen quttyqtaımyn. Bul elimizdiń biregeı ulttyq meıramy. Táýelsizdiktiń bastaýy. Egemendik jyldaryndaǵy talaı qıyndyqty birge eńserdik. Biz birligi bekem ádiletti Qazaqstandy birge quramyz. Elge janashyr ár sanaly azamat óz úlesin qosý kerek. Ortaq maqsat, bir múddege saı áreket etsek, respýblıkamyzdyń keleshegi kemel, bolashaǵy jarqyn. Qazaqstannyń kók týy bıikte jelbirep, ánuranymyz jer-jerde shyrqalyp jatyr. Bul ata baba ańsap ótken egemendiktiń arqasy. Endeshe egemendigimizdiń qadirin túsinip, táýelsizdikti nyǵaıtýǵa atsalysaıyq», dedi aımaq basshysy.
Aksııaǵa munymen qosa depýtattar, sportshylar, ardagerler, qoǵam qaıratkerleri men jastar qatysty.
Mundaı eldiń rýhyn kóteretin is-shara oblystyń barlyq qala, aýdandarynda ótip jatqanyn aıta ketkenimiz jón.
