Foto: Astana memlekettik qyzmet haby
Sapardyń alǵashqy kúni Astana memlekettik qyzmet haby Basqarýshy komıtet tóraǵasy Alıhan Baımenovtiń Qytaı Ulttyq basqarý akademııasy birinshi vıse-prezıdenti Lı I myrzamen resmı kezdesýi ótti.
Lı I byltyr qurylǵan Memlekettik basqarý akademııalary jelisi tájirıbe almasý jáne qatysýshylardyń áleýetin arttyrýdyń mańyzy joǵary ekenin aıtty. Sondaı-aq memlekettik basqarý men memlekettik qyzmet salasyndaǵy moıyndalǵan tuǵyrnama retinde Astana memlekettik qyzmet habynyń osy qaýymdastyqtaǵy erekshe rólin atap ótti.
Alıhan Baımenov óz kezeginde akademııalar jelisi «udaıy tájirıbe men bilim almasatyn jaqsy ınstıtýsıonaldyq negiz» ekendigin aıta otyryp, byltyrǵy bastamalardyń belsendi túrde iske asyrylyp jatqanyn jetkizdi. Bıyl Qazaqstanǵa atqarýshy vıse-prezıdent Sı Chýntao bastaǵan Qytaı Ulttyq basqarý akademııasy delegasııasy, sondaı-aq Gansý provınsııalary men Shyńjań О́ndiristik-qurylys korpýsy Memlekettik basqarý akademııalary jetekshiligi men professorlary kelgen.
Ekinshi kúni «Basqarýshylyq áleýetti modernızasııalaý boıynsha birlesken jumys» atty semınar ótip, onda Qytaı jáne Ortalyq Azııanyń barlyq elderi memlekettik basqarý akademııalary basshylary, sondaı-aq Astana memlekettik qyzmet haby ókilderi óz oılaryn ortaǵa saldy.
Sonymen qatar sapar baǵdarlamasy aıasynda delegasııalar Hanchjoý qalasy Memlekettik basqarý akademııasy, «Hanchjoý qalalyq mıy» basqarý platformasy, sondaı-aq QHR-nyń eki iri sıfrlyq kompanııasy qyzmetimen tanysty.
iFLYTEK kompanııasy (Beıjiń) sınhrondy aýdarma, bilim berý, medısına salasyndaǵy jasandy ıntellekt qoldaný jobalaryn qatysýshylar nazaryna usyndy.
«AliBaba» kompanııasy (Hanchjoý) 25 jyldaǵy elektrondy kommersııadan bastap medısına, týrızm, bilim berýge deıingi jáne basqa da salalardaǵy jetistikterimen tanystyrdy.
Chjeszıan provınsııasyndaǵy Szınshan jáne Sıaogýchen aýyldary jergilikti ózin-ózi basqarý men aýyldardy qaıta jańǵyrtý boıynsha ozyq mysaldarmen bólisti.
Eske sala keteıik, 2023 jyly Beıjińde Qytaı-Ortalyq Azııa memlekettik basqarý akademııalar jelisin qurý týraly kelisimge qol qoıylǵan. Oǵan 6 memlekettiń - Qytaı, Qazaqstan, Qyrǵyzstan, О́zbekstan, Tájikstan jáne Túrikmenstan memlekettik basqarý akademııalary, sondaı-aq Astana memlekettik qyzmet haby kirgen. Jeliniń maqsaty - kadrlardy daıarlaý men qaıta daıarlaýdy qosa alǵanda, memlekettik basqarýdy transformasııalaý salasynda tájirıbe men bilim almasý.
