Foto: QR SDIAО́M
Sıfrlyq damý, ınnovasııalar jáne aeroǵarysh ónerkásibi mınıstrliginiń málimetinshe, ár taraptyń spýtnıkterdi derbes basqarýy Qazaqstan men Mońǵolııaǵa tabıǵı resýrstardy monıtorıngileý jáne aýyl sharýashylyǵyn damytý úshin qajetti derekterge qol jetkizýdi qamtamasyz etedi.
«Aıryqsha atap ótetin jaıt — bul Qazaqstan tarıhyndaǵy qazaqstandyq ınjenerler tolyq ázirlegen alǵashqy eksporttyq spýtnık bolmaq. Spýtnık Mońǵolııanyń qajettilikterine beıimdelip, óńirlik spýtnıktik ınfraqurylymdy nyǵaıtady jáne Qazaqstannyń ǵarysh tehnologııalary salasyndaǵy áleýetiniń artyp kele jatqanyn kórsetedi», dedi mınıstr Jaslan Mádıev.
Jalpy, qashyqtyqtan zondtaý tehnologııalary eki elge de jerdiń jaǵdaıyn tıimdirek baqylaýǵa, sý resýrstaryn basqarýǵa jáne qorshaǵan ortadaǵy ózgeristerdi taldaýǵa múmkindik beredi. Qazaqstan men Mońǵolııa ózderiniń tehnıkalyq quzyretterin biriktire otyryp, ekonomıkanyń ózekti máselelerin sheshýge jáne turaqty damýdy qoldaýǵa baǵyttalǵan quraldar ázirleıdi.
Joba Qazaqstannyń Ulttyq ǵarysh ortalyǵy bazasynda mońǵol ınjenerleriniń qatysýymen júzege asyrylady. Qazaqstandyq mamandar joba barysynda mońǵol áriptesterin oqytý mindetin óz moınyna alyp, qajetti bilimniń berilýi men kásibı baılanysty nyǵaıtýǵa úles qosady. Mundaı ózara árekettestik mońǵol ınjenerleriniń biliktiligin arttyryp, eki el arasyndaǵy ǵylymı jáne tehnıkalyq yntymaqtastyqty tereńdetedi.
Bul joba Qazaqstan men Mońǵolııanyń ozyq tehnologııalardy damytýǵa degen umtylysyn bildirip, ǵarysh salasy men tabıǵı resýrstardy turaqty paıdalanýda seriktestikke jańa perspektıvalar ashady.
