Foto: Ashyq derekkóz
«Konkýrstyq proseske qatysýshylardyń barlyǵymen ashyq konkýrstyq dıalog rásimin bastaıtyn arnaıy úkimettik komıssııa qurylady. Aldyn ala konsýltasııalar bastalyp ta ketti. QHR men Koreıada kezdesýler men saparlar ótti. Biz áleýetti jetkizýshilerden alǵymyz keletin baǵyttardy aldyn ala aıtyp jatyrmyz.Olar qarapaıym, bul elektr energııasynyń quny, qurylys quny, bıýdjet sheginde merziminde aıaqtalý kepildigi. Bul, eń aldymen, qaýipsizdik máseleleri, barlyq áleýmettik paket, qarjylandyrýdy qamtamasyz etýge, otyn óndirisin oqshaýlaýǵa baılanysty máseleler», dedi Almasadam Sátqalıev.
Onyń aıtýynsha, dıalog aıasynda komıssııa Úkimet basshylyǵyna bul máseleni QR Prezıdenti janyndaǵy Energetıkalyq keńeste qaraý úshin óz usynystaryn daıyndaıtyn bolady.
Mınıstr qarjy-ekonomıkalyq blok, quqyqtyq jáne tehnıkalyq máseleler boıynsha keńesshilerdi tartý josparlanyp otyrǵanyn aıtty.
Eske sala keteıik, referendýmnyń qorytyndysy boıynsha azamattardyń 71,12 paıyzy AES qurylysyn qoldap daýys bergen edi.
