Foto: Ashyq derekkóz
Qaıǵyly oqıǵa «Build Invest» kompanııasy salyp jatqan turǵyn úı kesheninde bolǵan. Lıft qulap, jumysshy kóz jumǵan.
«Qaraǵandyda salynyp jatqan turǵyn úı kesheni nysandarynyń birinde bolǵan oqıǵa boıynsha taý-ken jumystaryn nemese qurylys jumystaryn júrgizý kezinde qaýipsizdik erejelerin buzý, abaısyzda adam ólimine nemese ózge de aýyr zardaptarǵa ákep soqqan oqıǵa boıynsha qylmystyq is qozǵaldy. Qazirgi ýaqytta birqatar saraptamalar taǵaıyndaldy. Oqıǵanyń mán-jaıy anyqtalyp jatyr», dep habarlady Qaraǵandy oblysynyń Polısııa departamenti.
Sonymen qatar taǵy bir adam túrli dene jaraqatymen aýrýhanaǵa jetkizilgen.
«Bir naýqas aýyr halde professor H.Maqajanov atyndaǵy aýrýhanaǵa jatqyzyldy», dep habarlady densaýlyq saqtaý basqarmasy.
