Foto: Aqorda
Kezdesýde Qazaqstan men Microsoft kompanııasynyń IT-ındýstrııany damytý jáne startaptar úshin tolyq ekojúıe qurý baǵytyndaǵy yntymaqtastyǵynyń perspektıvasy talqylandy.
Qasym-Jomart Toqaevqa Microsoft kompanııasynyń Qazaqstandaǵy keńsesi qaıta qurylymdalyp, Ortalyq Azııa, Ázerbaıjan, Armenııa, Grýzııa, Mońǵolııa jáne Pákistan elderin qamtıtyn mýltıóńirlik habqa aınalǵany jóninde málimet berildi.
Memleket basshysy elimizde jasandy ıntellekt salasyna qatysty zańnama ázirlenip jatqanyn aıtty. Basty maqsat –ınnovasııany damytý jáne ekonomıkalyq órleý úshin JI áleýetin paıdalaný. Kelesi jyly Jasandy ıntellekt ulttyq ortalyǵyn ashý josparlanyp otyr. Atalǵan keshen Qazaqstandaǵy sıfrlyq transformasııaǵa qajetti negizgi ınfraqurylymǵa aınalmaq.
Mıshel Sımmons Microsoft kompanııasy sıfrlyq damý maqsatynda Qazaqstan tarapymen nátıjeli yqpaldastyqty odan ári jalǵastyrýǵa beıil ekenin atap ótti.
