Foto: vko.sud.kz
«Rýdnyı qalalyq Bilim bóliminiń balalardy tárbıeleý-saýyqtyrý kesheni basshysynyń hatshysy qyzmet babyn paıdalanyp, buryn joldama satyp alǵan adamdarǵa jalǵasyp jatqan aksııalar týraly habarlamalar jibergen, soǵan sáıkes 2023 jyldyń jazǵy maýsymyna lagerlerge joldamalardy 2022 jylǵa arnalǵan joldama qunymen jáne 50% jeńildikpen erte brondaý múmkin ekenin, bolashaqta bos oryndardyń bolmaı qalatynyn jáne joldama quny ósip ketetinin atap kórsetken», delingen Joǵarǵy sottyń baspasóz qyzmetiniń málimdemesinde.
Odan ári, osy lagerlerge joldamalarǵa qol jetkizip, olardyń kóshirmelerin jasap, ózi arqyly satylǵan joldamalardyń sany týraly basshylyǵyn jańylystyrý arqyly alǵan aqshasyna olardy satyp alýshylarǵa aýdarǵan.
Sonymen birge, ol lagerlerdiń shekten tys balalardy qabyldaýǵa múmkindigi joq ekenin anyq bilgen jáne joǵaryda kórsetilgen tártippen barlyǵyna joldama satýdy jalǵastyryp, tólemdi óz esepshotyna alyp otyrǵan.
«Keshen hatshysynyń qylmystyq áreketi nátıjesinde memleketke 18,4 mıllıon teńge (asa iri kólemde) zalal keltirilgen. Prokýror sottalýshyny 5 jylǵa shartty túrde bas bostandyǵynan aıyrýdy surady», delingen habarlamada.
Sottalýshy óz kinásin tolyq moıyndap, shartty túrde bas bostandyǵynan aıyrýǵa kelisetinin málimdegen.
QK-niń 190-baby 4-bóliginiń 2-t boıynsha qaralǵan iste aıyptalýshynyń jasaǵan isine shyn júrekten ókinýi, jas balasynyń bolýy jáne keltirilgen zııandy jartylaı óteýi jaýapkershilikti jeńildetetin mán-jaılar dep tanyldy. Aýyrlatatyn faktorlar anyqtalmaǵan.
Sottalýshy taǵylǵan aıyp boıynsha kináli dep tanyldy jáne jas balasynyń bolýyna baılanysty oǵan 5 jylǵa bas bostandyǵynan shartty túrde aıyrý jazasy taǵaıyndaldy.
Mekemeniń azamattyq talap qoıýy qanaǵattandyrylyp, materıaldyq shyǵyndy óteý úshin sottalýshydan 16 mln teńge óndirildi.
Úkim zańdy kúshine engen joq.
