Foto: «Economic Research Institute» facebook paraqshasy
D.Mýkýshevanyń jazýynsha Qazaqstandaǵy qazirgi reformalardy talqylaǵanda, faktilerge jáne kózben kóretin ózgeristerge nazar aýdarý mańyzdy. Aımaqtyq damýdy, ásirese aýyldyq aımaqtardy zertteı otyryp, jańa tásilderdiń ómir sapasyn arttyrýdaǵy tıimdiligine kóz jetkizýge bolady.
«Jaqynda Soltústik Qazaqstan oblysy M. Jumabaev aýdanynyń Altyn dán aýyldyq okrýgine baryp jańa feldsherlik-akýsherlik pýnkttiń qurylys jumystaryna nazar aýdardym. Bul – jergilikti turǵyndar úshin asa mańyzdy oqıǵa, sebebi endi adamdar «úıiniń qasynan» medısınalyq kómek ala alady, bul ásirese jedel jaǵdaılarda óte mańyzdy. Medısınalyq kómektiń qoljetimdiligi ásirese egde jastaǵy turǵyndary basym shalǵaı aýyldarda adamdardyń ál-aýqatynyń mańyzdy aspektisi bolyp tabylady. Jalpy, densaýlyq saqtaý salasy – ómir sapasyn anyqtaıtyn negizgi salalardyń biri ekenine daý aıtý qıyn», dep jazdy ol.
Dınara Mýkýsheva sonymen qatar qysqa merzimde qol jetkizilgen taǵy birqatar mańyzdy nátıjelerdi atap naqtylaǵan:
1. Sońǵy 5 jylda medısınalyq ońaltýdy qarjylandyrý 13 ese ósti – 2019 jyly 6 mlrd teńgeden 2023 jyly 78,1 mlrd teńgege deıin.
2. 2019 jyldan beri ambýlatorııalyq dári-dármekpen qamtamasyz etý kólemi 2 eseden astam ulǵaıyp, 237 mlrd teńgeni qurady, onyń ishinde sırek kezdesetin aýrýlardy emdeýge – 51,8 mlrd teńge bólingen. Jalpy, 3,9 mln pasıent dári-dármekpen qamtamasyz etildi.
3. Densaýlyq saqtaýdaǵy negizgi kapıtalǵa ınvestısııalar jyl saıyn ulǵaıyp keledi. О́tken jyldyń qorytyndysy boıynsha negizgi kapıtalǵa salynǵan ınvestısııalar (NKI) 257,2 mlrd teńgeni qurady, jospar boıynsha 248,5 mlrd teńge (103%).
4. Sońǵy 5 jylda 400-den astam densaýlyq saqtaý nysandary salyndy, 4 000-nan astam nysandar jóndeldi, 75 mlrd teńgeden astam somaǵa medısınalyq jabdyqtar satyp alyndy, bul elimizdiń densaýlyq saqtaý ınfraqurylymyn aıtarlyqtaı jańartýǵa yqpal etti.
5. Aýyl turǵyndaryn medısınalyq qyzmetkerlermen qamtamasyz etý deńgeıi, óńirlerdiń medısınalyq qyzmetkerlermen qamtamasyz etilýiniń eń tómengi normatıvine sáıkes, 2022 jylǵy monıtorıng qorytyndysy boıynsha ár 10 myń aýyl turǵynyna shaqqanda 91,3-ti qurady. Qol jetkizilgen deńgeı josparly kórsetkishten 87,3-ti qurady, bul 4,6%-ǵa joǵary. Aıtpaqshy, bul kórsetkish aýyldyq jerlerde medısınalyq kómektiń qoljetimdiligin jaqsartýǵa baǵyttalǵan sharalardyń tıimdiligin baǵalaý úshin paıdalanylady.
«Qýanyshty jańalyq – 2025–2027 jyldarǵa arnalǵan respýblıkalyq bıýdjet áleýmettik baǵytta qala beredi. Bıýdjette medısınalyq ınfraqurylymdy jaqsartýǵa, medısınalyq kómektiń qoljetimdiligin keńeıtýge jáne áleýmettik medısınalyq saqtandyrý júıesin jańǵyrtýǵa baǵyttalǵan shyǵystardy jyl saıyn arttyrý qarastyrylǵan. 2025 jyly shyǵyndar 2,568 trln teńgeni, 2026 jyly – 2,644 trln, al 2027 jyly – 2,649 trln teńgeni quraıdy. Jalpy, Qazaqstan densaýlyq saqtaýǵa shyǵystar úlesin 2027 jylǵa qaraı JIО́-niń 5%-yna jetkizý maqsatyna senimdi túrde jyljyp keledi», deıdi Dınara Mýkýsheva.
