Foto: Úkimettiń baspasóz qyzmeti
Oljas Bektenov profılaktıkalyq is-sharalardy sapaly iske asyrý jáne qaýipsizdik talaptarynyń saqtalýyn baqylaý qajettigine nazar aýdardy.
Sonymen qatar Tótenshe jaǵdaılar mınıstrligine gaz tehnıkalyq ınspeksııanyń ókilettigin kúsheıtý jumystaryn júrgizý, al ákimdikterge mınıstrlikpen birlesip órt qaýipsizdigi aılyq sharasyn uıymdastyrý tapsyryldy.
«Birinshi kezekte, halyqtyń áleýmettik osal toptarynyń úılerin esepke alǵan jón. Olar erekshe baqylaý aımaǵynda bolýǵa tıis. Osyndaı úılerdiń barlyǵyna gaz datchıkterin tegin ornatý qajet. Alaıda Jetisý, Aqmola, Aqtóbe oblystarynyń jáne Almaty qalasy ákimdikteriniń bul baǵyttaǵy jumystary mardymsyz ekenin atap ótkim keledi. 2%-dan 14%-ǵa deıin ǵana qamtylǵan. Atalǵan ákimdikter datchıkter ornatý boıynsha jumysty kúsheıtýi kerek», dedi Oljas Bektenov.
