Budan bólek, egis alqabynyń 70%-y joıylǵan nemese zaqymdalǵan. Bul týraly Birikken ulttar uıymy Qaýipsizdik keńesiniń otyrysynda osy halyqaralyq qaýymdastyqqa qarasty Azyq-túlik jáne aýylsharýashylyq uıymy Tótenshe jaǵdaılar jáne turaqtylyq basqarmasy málimdedi. Qazir Gazanyń teriskeıinde 75 myń palestınalyq ashtyqtyń az-aq aldynda tur.
«Gaza sektorynyń soltústigindegi jaǵdaı óte aýyr. Ashtyqty tekseretin táýelsiz komıtet ótken jumadan beri palestınalyqtarǵa ashtyq qaýpi tónip turǵanyn aıtyp, dabyl qaǵyp keledi. Gaza sektorynyń agro-azyq-túlik júıesi tolyǵymen derlik kúıregen. Adamdar ózderi ósirgen sıyr, qoı, eshkiniń sútin iship, azyn-aýlaq etin jep, kúnin kóretin. Endi bul múmkindik te kózden bul-bul ushty. Biz olardy qutqarýymyz kerek!», deıdi BUU Azyq-túlik jáne aýyl sharýashylyǵy uıymynyń basqarma dırektory Reın Paýlsen.
