Foto:
«Sonymen qatar jaqynda memlekettik qyzmetkerlerge syıaqy berýge tyıym salynatyndyǵy týraly másele qyzý talqylandy. Qarjy mınıstrligi oǵan tyıym salýǵa negiz joq ekenin túsindirip berdi. Memlekettik qyzmetshiler – eldegi júıeli ózgeristerdiń basty jolbasshylary. Olardyń tabysy aıtarlyqtaı kóp emes. Keı kezderi túnimen jumysta otyrady. Memlekettik qyzmetshilerdiń de otbasy men mindeti, qala berdi qarapaıym adam retindegi qalaýy men jospary bar.Memlekettik organdardyń tıimdiligin arttyrý úshin qatardaǵy qyzmetkerlerdiń eńbekaqysy básekege qabiletti bolýy kerek dep oılaımyn. Syıaqy atalǵan máseleni sheshýge múmkindik beredi. Basqa jolmen memlekettik qyzmetke bilikti mamandardy tartyp, kadr turaqsyzdyǵy problemasyn sheshý qıyn», dedi Memleket basshysy.
Esterińizge sala keteıik, buǵan deıin Qarjy mınıstri Mádı Tákıev Qazaqstannyń memlekettik qyzmetkerlerge syıaqy tóleý júıesindegi jańashyldyq týraly málimdegen bolatyn. Mınıstrdiń aıtýynsha, memlekettik qyzmetkerler budan bylaı memlekettik organdar únemdegen qarajattan syıaqy almaıdy. Bul aqsha bıýdjetke qaıtarylady.
