Konferensııa jumysyna 5 qurlyqtyń 53 elinen 240 qatysýshy qatysty. Qazaqstannyń Sot ákimshiligi men Halyqaralyq sot ákimshiligi qaýymdastyǵy (IACA) arasyndaǵy yntymaqtastyqtyń jańa kezeńi týraly memorandýmǵa qol qoıýdyń mańyzy zor boldy.
Aıta keteıik, MASA prezıdenti Lýıs Marııa Palma men Qazaqstannyń Sot ákimshiliginiń basshysy Naıl Ahmetzakırov qol qoıǵan qujat úzdik álemdik praktıkany engizýge baǵyttalǵan seriktestiktiń kelesi kezeńin bildiredi.
Sondaı-aq konferensııa aıasynda Qazaqstan delegasııasy sot isin júrgizýdi sıfrlandyrý, sot tóreliginiń qoljetimdiligi men prosesterdiń ashyqtyǵyn arttyrýdaǵy tabysty tájirıbesimen bólisti. Azamattardyń sot júıesine senimin nyǵaıtýǵa kómektesetin tehnologııalardy engizýge erekshe nazar aýdaryldy.
Al baǵdarlamanyń kelesi bóliminde Sıngapýr Joǵarǵy Sotynyń Tóraǵasy Sýndarash Menonmen kezdesý ótti. Kelissózde sıfrlandyrý jáne sot ákimshiligin jetildirý salasyndaǵy birlesken bastamalar talqylandy.
