Álem • 25 Qarasha, 2024

Antalııa áýejaıynda Reseı áýekompanııasynyń ushaǵy órtendi

200 ret

kórsetildi

1 mın

oqý úshin

Federaldy áýe kóligi agenttiginiń habarlaýynsha, «Azimut» áýe kompanııasyna tıesili Sukhoi Superjet 100 ushaǵy Túrkııanyń Antalııa qalasyna qonǵan soń otqa oranǵan, dep habarlaıdy Egemen.kz DW-ge silteme jasap.

Qyrmyzy JUMAǴALIQYZY

Antalııa áýejaıynda Reseı áýekompanııasynyń ushaǵy órtendi

Foto: shutterstock

24 qarashada Reseıdiń Sochı qalasyna ushqan Sukhoi Superjet 100 ushaǵy Antalıanyń áýejaıyna qonǵannan keıin órtengen. Bul oqıǵany Reseı avıasııasy memlekettik uıymynyń baspasóz hatshysy Artem Korenıako rastady.

Korenıako Antalıadaǵy Reseıdiń Bas konsýldyǵyna silteme jasaı otyryp, apat saldarynan ushaq jolaýshylarynyń eshqaısysy zardap shekpegenin málimdedi.

Sonymen qatar «Azimut» kompanııasynyń keri ushýǵa rezervtik ushaq daıyndap jatqany habarlandy.

Túrkııanyń kólik mınıstrliginiń málimetinshe, ushaqta 95 adam, al Antalııa áýejaıynyń habarlaýynsha, ushaqta 91 adam bolǵan.

Sondaı-aq, AirportHaber avıasııalyq portalynyń habarlaýynsha, Superjet 100 ushaǵynyń qozǵaltqyshy órtengen. Áýe kompanııasynyń málimetinshe, Superjet qatty jańbyr men jel kezinde qolaısyz aýa-raıynda qatty qonǵannan keıin órtenip ketken.