Úkimet • 27 Qarasha, 2024

Mańǵystaý oblysynda bý-gaz qondyrǵysy salynady

90 ret

kórsetildi

1 mın

oqý úshin

QR Premer-mınıstriniń birinshi orynbasary Roman Sklıar «China Huadian Corporation Ltd.» memlekettik korporasııasynyń basshylyǵymen kezdesti. Kompanııa elektr jáne jylý energııasyn óndirýge jáne jetkizýge mamandanǵan, dep habarlaıdy Egemen.kz Úkimettiń baspasóz qyzmetine silteme jasap.

Qyrmyzy JUMAǴALIQYZY

Mańǵystaý oblysynda bý-gaz qondyrǵysy salynady

Foto: Úkimettiń baspasóz qyzmeti

Kezdesýde Mańǵystaý oblysynda qýaty 160 MVt bý-gaz qondyrǵysyn salý jobasy talqylandy. Joba óńir úshin elektr energııasynyń negizgi kózine aınalady, onyń boljamdy quny $190 mln-dy quraıdy.

Korporasııanyń vıse-prezıdenti Lı Sıýıhýan iri ózenderdiń áleýetin paıdalana otyryp, kaskadty sý elektr stansalarynyń qurylysyn qosaqanda, jańa jobalardyń pysyqtalǵanyn habarlady.

Sonymen qatar kompanııa jabdyqtyń senimdiligin, tıimdiligin jáne ekologııalyq tazalyǵyn arttyrýǵa baǵyttalǵan dástúrli generasııalaý kózderin jańǵyrtý jónindegi bastamalardy usyndy.

Bul joba men kompanııanyń perspektıvalyq bastamalary Qazaqstan men Qytaıdyń turaqty energııamen jabdyqtaý salasyndaǵy strategııalyq yntymaqtastyǵyn nyǵaıtady.