Onyń aıtýynsha, Qazaqstan Respýblıkasy Prezıdentiniń janyndaǵy Qazaqstandyq strategııalyq zertteýler ınstıtýty (QSZI) jáne E.M. Prımakov atyndaǵy RǴA álemdik ekonomıka jáne halyqaralyq qatynastar ınstıtýty (IMEMO) uıymdastyrǵan is-shara ekijaqty yntymaqtastyqtyń ózekti máselelerin talqylaý úshin mańyzdy saraptamalyq alańǵa aınaldy.
«Memleket basshysy Qazaqstan men Reseı arasyndaǵy HH óńiraralyq yntymaqtastyq forýmynyń plenarlyq otyrysynda atap ótkendeı, Reseı elimizdiń syrtqy saýdasynyń 20%-ǵa jýyǵyn qamtamasyz etetin Qazaqstannyń iri saýda-ekonomıkalyq seriktesteriniń biri bolyp tabylady. Bul elimizdiń ekonomıkalyq turaqtylyǵyn qamtamasyz etý úshin Reseımen yntymaqtastyqty tereńdetýdiń strategııalyq mańyzdylyǵyn kórsetedi.
Kezdesýde ekonomıkalyq jáne energetıkalyq yntymaqtastyq, tabıǵı resýrstardy tıimdi paıdalaný, klımattyq kún tártibi, sondaı-aq bilim, ǵylym jáne jastar saıasaty salalaryndaǵy ózara is-qımyldy nyǵaıtý máseleleri talqylandy. Sondaı-aq jahandaný, ekonomıkany sıfrlandyrý, ýrbanızasııa jáne bolashaqty strategııalyq boljaý máselelerine erekshe nazar aýdaryldy. Talqylaýlar sonymen qatar ekijaqty dıalogty odan ári tereńdetýge jáne aldaǵy kezdesýlerdiń kún tártibin qalyptastyrýǵa negiz boldy», dep jazdy ol.
Is-sharaǵa «Ekonomıkalyq zertteýler ınstıtýty» AQ, MGIMO, «KAZENERGY», «TALAP» qoldanbaly zertteýler ortalyǵy, RF EBJ, «Samuryq-Qazyna» AQ, Astana halyqaralyq ýnıversıteti jáne «Alternatıva» ózekti zertteýler ortalyǵy sııaqty uıymdardyń ókilderi qatysty.
Kezdesý ekijaqty baılanystardy nyǵaıtýǵa, olardy barlyq negizgi baǵyttar boıynsha odan ári damytýǵa jáne EAEO aıasyndaǵy úderisterdi ońtaılandyrýǵa yqpal etetin Qazaqstan men Reseı arasyndaǵy sarapshylyq dıalogtyń mańyzdylyǵyn rastady.
