Foto: kz.kursiv.media
Mınıstrdiń sózinshe, sırek kezdesetin metaldar salasyn damytýǵa baǵyttalǵan jer qoınaýyn memlekettik geologııalyq zertteý aıasynda 12 ýchaskede izdeý jumystary jalǵasýda.
Jerde sırek kezdesetin metaldardy barlaý isin Cove Capital jáne HMS Bergbau sııaqty jeke kompanııalar júrgizedi.
«Búgingi tańda jerde sırek kezdesetin metaldar qory shamamen 800 myń tonnaǵa baǵalanatyn Kúırektikól ýchaskesiniń bolashaǵy týraly derekter bar», dedi Qanat Sharlapaev.
Qazaqstanda barlanǵan altyn qory ony óndirý kóleminen asatyny da belgili boldy. Keıingi 30 jylda respýblıkamyzda temir, marganes, altyn, ýran, munaı jáne gaz qorlarynyń kóbeıýi baıqalǵan.
«Altynnyń ornyn toltyrý koeffısıenti – 1,2. Bul altynnyń barlanǵan qorynyń kólemi altyn óndirýdiń kóleminen kóp ekenin kórsetedi. Mys boıynsha koeffısıent – 0,7. Bul rette jer qoınaýyn paıdalanýshylarymen mys boıynsha perspektıvaly jer qoınaýy ýchaskeleri belsendi túrde barlanyp jatyr», dedi Qanat Sharlapaev.
