Foto: Ashyq derekkóz
Erlan Aqkenjenov Qazaqstannyń zerttelmegen nemese az zerttelgen áleýetti resýrstarǵa ıe ekenin atap ótti. Investısııalyq ahýaldy jaqsartý maqsatynda jer qoınaýyn paıdalaný salasyndaǵy zańnamany jetildirý boıynsha júıeli jumys júrgizilip jatyr.
2024 jyly ázirlenip jatqan ózgerister:
- О́z qarajaty esebinen az zerttelgen aýmaqtarda geologııalyq zertteýdi júzege asyratyn ınvestorlarǵa jer qoınaýyn paıdalanýǵa basym quqyqty qamtamasyz etýge;
- Kómirsýtekter salasynda ulttyq kompanııalardyń qyzyǵýshylyǵy joq ýchaskelerdi iske asyrý jáne ıgerýge múmkindik beredi.
Túzetýler jer qoınaýynyń tıisti ýchaskesi jer qoınaýynyń memlekettik qoryn basqarý baǵdarlamasyna engizilgen kúnnen bastap tikeleı kelissózder júrgizý boıynsha ótinish berýge ulttyq kompanııalardy 3 jyldyq kezeńmen shekteýge baǵyttalǵan. Kórsetilgen merzimde ulttyq kompanııalardan ótinishter bolmaǵan jaǵdaıda, ýchaske aýksıonǵa shyǵarylatyn bolady. Ken oryndaryn tezirek ıgerýge tartý maqsatynda bir kelisimshart boıynsha barlaýdan baǵalaýǵa, al on kelisimshart boıynsha barlaýdan óndirýge kóshý júzege asyryldy.
«Bıyl 2 elektrondy aýksıon ótkizilip, 15 ýchaske iske asyryldy. Qol qoıý bonýsynyń túpkilikti kólemi 32,7 mlrd teńgeni qurady, onyń ishinde búgingi tańda bıýdjetke 9,1 mlrd teńge tústi. Geologııalyq barlaýǵa salynǵan ınvestısııa kólemi – $82,5 mln», dedi Erlan Aqkenjenov.
