Foto: Ashyq derekkóz
Týrızm jáne sport mınıstrliginiń málimetinshe, 2024 jyldyń alǵashqy 10 aıynda týrızm salasyndaǵy negizgi kapıtalǵa salynǵan ınvestısııa kólemi 668,1 mlrd teńgege jetken. Bul ótken jyldyń sáıkes kezeńimen salystyrǵanda 33,6%-ǵa kóp.
Esterińizge sala keteıik, 2023 jyly bul kórsetkish 787 mlrd teńge bolsa, 2022 jyly 513 mlrd teńgege jetken edi. Bul derekter ınvestorlardyń elimizdiń týrıstik áleýetine qyzyǵýshylyǵy artyp kele jatqanyn kórsetedi.
«Týrızm salasyna salynǵan ınvestısııanyń artýy bıznestiń bul baǵytty damytýǵa degen turaqty qyzyǵýshylyǵyn bildiredi. Negizgi týrıstik óńirlerde zamanaýı ınfraqurylym qurý arqyly Qazaqstannyń halyqaralyq týrıstik kartadaǵy ornyn nyǵaıta alamyz», dedi Týrızm ındýstrııasy komıtetiniń tóraǵasy Nurtas Káripbaev.
