Foto: primeminister.kz
300 oryndyq jataqhana qurylysyna 2,6 mlrd teńgeden astam qarajat bólingen.
Jobada uldar men qyzdarǵa arnalǵan bólek bloktar, medısınalyq blok, ashana, oıyn bólmeleri salynady dep josparlanǵan.
Úkimet málimetinshe, búginde «Saıram kómekshi mektep-ınternat-kolledji» arnaıy kesheninde 363 adam oqyp jatyr. Jańa ǵımarattyń qurylysy 120 oqýshyǵa arnalǵan jataqhanadaǵy oryn tapshylyǵyn joıady.
Qazir qoldanystaǵy jataqhana 1975 jyly salynǵan. Oryn tapshylyǵyna baılanysty oqý ornyndaǵy keıbir kabınetter balalarǵa arnalǵan jatyn bólmeler retinde paıdalanylyp kelgen. Al 67 oqýshy úıde oqýǵa májbúr bolǵan.
Jańa jataqhana zamanaýı úlgide salynyp, balalardyń bilim alyp, jaıly ómir súrýin qamtamasyz etpek.
