Foto: kz.kursiv.media
Vedomsto málimetinshe, ákimdikter aǵymdaǵy jáne ortasha jóndeý boıynsha smetaǵa joba somasynyń 2% mólsherinde kútpegen shyǵystardy engizgen. Bul rette zańnamada mundaı shyǵyndar kózdelmegen. Nátıjesinde joldardy jóndeý quny 840 mln teńgege ósken.
Sonymen qatar smetany qalyptastyrý kezinde smetalyq paıdany esepteý boıynsha engizilgen ózgerister eskerilmegen.
«Jobalardyń qymbattaýyna ákelgen 8%-dyq eski normatıv qoldanylǵan (jańa 5%). Monıtorıng kórsetkendeı, merdiger oryndaǵan jumystardyń sapasyn baqylaý joldardyń keıbir ýchaskelerinde ǵana júrgizilgen. Ákimdikter zerthanalyq zertteýlerden qandaı joldar ótetinin ózderi tańdaǵan. Nátıjesinde jyl saıyn jóndeletin ýchaskelerdiń 20% -30% Ulttyq jol aktıvteri sapasy ortalyǵynyń fılıaly teksermegen. Mysaly Meńdiqara aýdanynda «Borovskaıa-Uzynaǵash» jolynyń 3 shaqyrymynda ǵana synaq júrgizilgen, onyń uzyndyǵy – 28 shaqyrym», delingen habarlamada.
Taldaý qorytyndysy boıynsha Qostanaı oblysynyń ákimdigi sharttardyń talaptaryn qaıta qarap, kútpegen shyǵystar alynyp tastalǵan. Sondaı-aq merdiger uıymdar 32 mln teńge kóleminde negizsiz alynǵan qarajatty ótegen. 2025 jyly jóndeletin joldardy saraptamamen tolyq qamtý josparlanǵan.
