Foto: depositphotos.com
Antıkor bul jaǵdaıǵa oblystaǵy jol salý barysyn tekserý kezinde kóz jetkizgen.
Zań buzýshylar básekelestikke jatpaıtyn tásilmen 2,2 mlrd teńgege negizsiz sharttar jasap, ózge syltaýlarmen naqty merdigerlerdi iriktep alǵan.
«Osyndaı prosester konkýrstyq prosedýralardy aınalyp ótýge jáne jumys tájirıbesi men resýrstary joq fırmalarǵa artyqshylyq bergen. Bul rette ortasha jóndeý júrgizýge arnalǵan smetaǵa kútpegen shyǵystarǵa arnalǵan shyǵyndar negizsiz engizilip, jumysty 177 mln teńgege qymbattatqan», delingen Antıkor habarlamasynda.
Sonymen qatar, jergilikti atqarýshy organdar talap etilmegen jobalaý-smetalyq qujattamany ázirleýge 210 mln teńge jumsaǵany belgili boldy.
Taldaý qorytyndysy boıynsha memlekettik satyp alý rásimderiniń buzylýyna jol bergen kináli tulǵalar jaýapkershilikke tartylyp otyr. Al Túrkistan oblysynyń ákimdigi joldardy ortasha jóndeý kezindegi yqtımal shyǵystardy alyp tastady.
