Fotolar: Joǵarǵy Sottyń baspasóz qyzmeti
️Oǵan Joǵarǵy Sotynyń Tóraǵasy Aslambek Merǵalıev, Sot ákimshiliginiń basshysy Naıl Ahmetzakırov, SÁ basshysynyń birinshi orynbasary, joba úılestirýshisi Shákir Shaıahmetov, Elshi, Qazaqstandaǵy EQYU Baǵdarlamalar ofısiniń basshysy, doktor Folker Frobart, Ofıstiń adamı ólshem bóliminiń aǵa keńesshisi Nıkolas Mazık jáne Ofıstiń ulttyq úılestirýshisi Evgenııa Oralova, SÁ qurylymdyq bólimshelerdiń basshylary qatysty.
◾️ Jobany bıyl iske asyrýdyń negizgi nátıjeleri jáne 2025 jylǵa arnalǵan josparlar talqylandy.
◾️ A.Merǵalıev óz sózinde Joǵarǵy Sot pen Ofıs arasyndaǵy yntymaqtastyqtyń joǵary deńgeıin, joba sheńberinde sot júıesiniń bastamalaryna qoldaý kórsetilip jatqanyn aıta kele, Qazaqstannyń sot júıesin jańǵyrtý isinde áriptestiktiń mańyzdylyǵyna toqtaldy.
◾️ N.Ahmetzakırov 2024 jylǵa josparlanǵan barlyq is-sharalardyń sátti júzege asýyna toqtalyp, EQYU-men yntymaqtastyqtyń tıimdiligine senim bildirdi.
◾️ F.Frobart Jobanyń sot júıesindegi reformalardy jalǵastyrýdaǵy mańyzdylyǵyn aıta otyryp, ony 2026 jyldyń sońyna deıin uzartýdy usyndy.
◾️Otyrysqa qatysýshylar 2025 jylǵa arnalǵan josparlardy, onyń ishinde sýdıalar men sot qyzmetkerlerin kásibı daıarlaý sheńberinde sot bilim berý salasyndaǵy bıznes-prosesterdi jáne bastamalardy ońtaılandyrý sharalaryn talqylady.
◾️Taraptar alǵa qoıǵan maqsattarǵa jetý úshin yntymaqtastyqty odan ári nyǵaıtýǵa daıyn ekendikterin bildirdi.
Joǵarǵy Sottyń baspasóz qyzmetiniń málimetinshe Joǵarǵy Sot pen EQYU-nyń Astanadaǵy Baǵdarlamalar ofısi Memorandýmǵa qol qoıyp (2021 j.) Qazaqstandaǵy sot tóreligi júıesiniń tıimdiligin arttyrý boıynsha birlesken jobany iske qosqan bolatyn.
Joba 2025 jyldyń sońyna deıingi kezeńdi qamtıdy jáne zań ústemdigin nyǵaıtýǵa, sot tóreligi júıesiniń ashyqtyǵy men jarııalylyǵyna járdemdesýge baǵyttalǵan (sotty ákimshilendirýdi jetildirý; sot qyzmetteriniń sapasyn arttyrý; sýdıalardyń jumysyn baǵalaý júıesin jańartý; sýdıalardy oqytýdyń jańa ınnovasııalyq praktıkasyn engizý; sot praktıkasynyń birkelkiligin baǵalaýdyń AT-taldaý júıesin ázirleý).
