Foto: Úkimettiń baspasóz qyzmeti
«Kazakh Invest» UK» AQ basqarma tóraǵasy Erjan Elekeev bıyl ortalyq jáne jergilikti memlekettik organdarmen birlesken jumys nátıjesinde 4,8 myńǵa jýyq jumys ornyn asha otyryp, quny $1,1 mlrd-ty quraıtyn 22 ınvestısııalyq joba iske qosylǵanyn baıandady. Búgingi tańda Almaty oblysynda volfram kenderin óńdeý jáne Almaty qalasynda isikke qarsy biregeı preparattar óndirý kásiporyndary jáne basqa da nysandar ashylǵan.
Sonymen qatar 7 joba boıynsha, onyń ishinde Jambyl oblysynda 1 GVt JES salý, Almaty oblysynda sút ónimderin óndirý, Shymkent qalasynda jylyjaı keshenin salý boıynsha jalpy quny jalpy $2,5 mlrd bolatyn ınvestısııalyq kelisimderge qol qoıyldy.
«Qazaqstan ekonomıkasynyń perspektıvaly salalaryna ınvestısııa tartýdyń maqsatty jańa tásili engizildi. Astyqty tereń óńdeý, kómir hımııasy, munaı hımııasy jáne munaı-gaz jabdyqtaryn óndirý sekildi 4 baǵyt anyqtaldy. Aldaǵy úsh jylda CHN Energy, Carlsberg, PepsiCo, ULTRADECOR, LASSELSBERGER GROUP sııaqty jáne basqa da kompanııalarmen birlese otyryp, iri jobalardy júzege asyrý úshin $10 mlrd tartý josparlanyp otyr», deliingen habarlamada.
Sondaı-aq ınvestısııalyq qyzmetti sıfrlandyrý boıynsha aqparat tyńdaldy. Investısııalyq jobalardy barlyq kezeńderde – olardy iske qosýdan bastap paıdalanýǵa berý jáne odan keıingi úsh jyldyq monıtorıngige deıingi súıemeldeýdiń keshendi ekojúıesin qurý boıynsha jumystar júrgizilip jatyr. Investorlarmen ózara is-qımyl «bir tereze» qaǵıdaty boıynsha qurylady, sonymen birge «jasyl dáliz» jáne «prokýrorlyq súzgi» tetikteriniń jumysy qamtamasyz etiledi.
Otyrys qorytyndysy boıynsha 2025 jylǵa arnalǵan jumys jospary bekitildi.
