Foto: Qaraǵandy oblysy ákimdigi
Jańa qala basshysyn qalalyq máslıhattyń kezekten tys sessııasynda oblys ákimi Ermaǵanbet Bólekpaev tanystyrdy. Depýtattar kandıdatýrany maquldady. Saran basshysyna qalany damytýdyń basym mindetteri belgilendi.
«Daryn Beıbituly qala ákimi laýazymynda oǵan deıin bastalǵan jobalardy jalǵastyryp, aıaqtaıtynyna jáne jańalaryn iske asyratynyna senimdimin, bul jergilikti turǵyndardyń ómir súrý sapasyna jáne jalpy qalanyń odan ári áleýmettik-ekonomıkalyq damýyna oń áser etedi», dedi Qaraǵandy oblysynyń ákimi Ermaǵanbet Bólekpaev
Daryn Bulqaıyr 2012 jyldan bastap memlekettik qyzmette istegen. Qaraǵandy qalasy ákiminiń apparatynda memlekettik-quqyqtyq bóliminiń bas mamany bolyp jumys istegen.
2013 jyldan 2015 jylǵa deıin «Qaraǵandy qalasynyń turǵyn úı qatynastary bólimi» MM bas mamany, basshysynyń orynbasary bolǵan.
Sodan keıin Qaraǵandy oblysynyń energetıka jáne turǵyn úı-kommýnaldyq sharýashylyq basqarmasynda – bas maman-zańger, bıýdjetti atqarý bóliminiń bas mamany, memlekettik satyp alý jáne quqyqtyq jumys bóliminiń basshysy bolyp jumys istegen.
2017 jyldan 2021 jylǵa deıin Qaraǵandy qalasy Oktıabr aýdany ákiminiń orynbasary qyzmetin atqarǵan.
2021 jyldan 2023 jyldyń shildesine deıin Qaraǵandy oblysynyń jer qatynastary basqarmasyn basqarǵan.
2023 jyldyń shildesinen bastap osy taǵaıyndaýǵa deıin Qaraǵandy oblysynyń ónerkásip jáne ındýstrııalyq-ınnovasııalyq damý basqarmasyn basqardy.
