Foto: 24.kz
Ákimniń málimetinshe, «Jaıly mektepter» ulttyq jobasy aıasynda bıyl 24,9 myń oryndyq 26 mekteptiń qurylysy bastalǵan. Jyl basynan beri 9 myń oryndyq 9 mektep, onyń ishinde Bolat О́temuratov qory qarjylandyrǵan eki mektep pen Eńbekshiqazaq aýdanynda «Altyn adam» seriktestiginiń jeke ınvestısııasymen salynǵan bir jarym myń oryndyq mektep oqýshylarǵa bilim berýge kirisken.
Marat Sultanǵazıev Ortalyq kommýnıkasııalar alańynda jyl sońyna deıin 6,3 myń oryndyq taǵy bes oqý ornyn paıdalanýǵa berý josparlanyp otyrǵanyna nazar aýdardy.
«Sońǵy úsh jylda bilim salasyna 965 mıllıard teńge bólindi. 78 mektep jańartyldy, onyń 62-si kúrdeli jóndeýden ótti. Byltyrdan beri 143 myń oqýshy tegin ystyq tamaqpen qamtylǵan. Qabyldanǵan sharalardyń arqasynda bilim sapasynyń deńgeıi 66,4 paıyzdan 67,9 paıyzǵa kóterildi, dep atap ótti Marat Sultanǵazıev. Sondaı-aq mektepke deıingi mekemelerde sabaqqa qatysýdy tirkeýdiń QR-kod júıesin engizý 800 mıllıon bıýdjet qarajatyn únemdeýge múmkindik berdi», dedi Marat Sultanǵazıev.
