Foto: Vedomstvo
Sý tasqyny kezeńine daıyndyq sheńberinde «Qazsýshar» mekemesiniń D.Qonaev atyndaǵy Úlken Almaty kanaly fılıaly Bartoǵaı sý qoımasynan 30%, Kúrti sý qoımasynan 20% sý jiberdi.
Osylaısha, eki qoıma kóktemde sý tasqynyn qaýipsiz ótkizý úshin shamamen 420 mln tekshe metr sý qabyldaı alady.
Jınalǵan tasqyn sý sýarý kezeńinde sharýalardyń qajettilikterine paıdalanylady.
Esterińizge salaıyq, bıyl fılıal 50 myń gektardan astam egis alqabyn 544 mln tekshe metrden astam sýmen úzdiksiz qamtamasyz etti.
«Sý tasqyny kezeńinde daıyndyq jalǵasyp jatyr, búginde sý qoımalary jumysynyń kestesi ázirlendi. 2 sý qoımasy tehnıkalyq turǵyda kóp faktorly tekseristen ótip, tasqyn sýyn qabyldaýǵa daıyn», dedi «Qazsýshar» fılıalynyń dırektory Baqyt Ábishev.
