Foto: gov.kz
Memleket basshysy mundaı boljamdar el arasynda aıtylyp júrgeninen habardar ekenin aıtty.
«Bul aqparat ádeıi taratylyp jatyr dep oılaımyn. Bizdiń elde jańa Úkimet jumysyna kirisken bette onyń otstavkaǵa ketetini týraly áńgime taraıdy. Parlament týraly da dál solaı deýge bolady. Men Parlament depýtattary azamattyq jáne saıası jaýapkershilik tanytyp, jaqsy jumys istep jatyr dep oılaımyn. Al Úkimet – aýys-túıiske beıim qurylym. Onyń quramynda túrli jaǵdaıǵa, onyń ishinde «Amanat» partııasynyń jáne Parlamenttegi basqa da partııalardyń ustanymyna baılanysty ózgerister bolýy múmkin», dedi Qasym-Jomart Toqaev.
Qasym-Jomart Kemeluly Parlament saılaýyn merziminen buryn ótkizýge ázirge esh negiz joq ekenin de erekshe atap ótti.
«Saılaý zańda belgilengen merzimderge sáıkes ótedi. Parlament ózine tıesili merzim aıasynda qyzmetin atqarýǵa qulyqty. Al Úkimet bekitilgen baǵdarlamalar men josparlarǵa sáıkes áreket etip, oń nátıjege jetý úshin jumys istep jatyr. Strategııalyq mindet – turaqty áleýmettik-ekonomıkalyq damýdy qamtamasyz etý, elimizdiń óńirdegi kóshbasshy mártebesin nyǵaıtý», dedi Prezıdent.
