Bul týraly Ulttyq qaýipsizdik komıteti habarlady. Solardyń biri – Taraz turǵyny, aınalasyndaǵylardy sheteldegi lańkester qatarynda soǵys áreketterine qatysýǵa shaqyryp, sonymen qatar ózi de olarǵa qosylýdy josparlaǵan.
Taraz qalalyq sotynyń sheshimimen ol terrorızmdi nasıhattaǵany (QK-niń 256-baby), dinı arazdyqty qozdyrǵany úshin (QK-niń 174-baby) kináli dep tanylyp, 7 jylǵa bas bostandyǵynan aıyryldy.
Taǵy bir – Almaty turǵyny, jalpy qylmystar úshin birneshe ret sottyly bolǵan, ǵalamtor jelisinde radıkaldy ıdeologııany nasıhattaǵan.
Almaty qalalyq sotynyń sheshimimen ol terrorızmdi nasıhattaǵany (QK-niń 256-baby), esirtkini zańsyz paıdalanǵany úshin (QK-niń 296-baby) kináli dep tanylyp, 7 jyl 1 aıǵa bas bostandyǵynan aıyryldy.
Ulttyq qaýipsizdik komıtetiniń málimetinshe, jalpy, jyl basynan terrorıstik jáne ekstremıstik áreketteri úshin 84 adam sottalǵan.
