foto: gov.kz
Memleket basshysynyń tapsyrmalary sheńberinde Qazaqstan Respýblıkasy Densaýlyq saqtaý mınıstrligi aýyldyq jerlerde medısınalyq kómektiń sapasy men qoljetimdiligin jaqsartý jónindegi keń aýqymdy sharalardy iske asyrýda. Sonyń biri kólik medısınasy - turǵyndarǵa medısınalyq kómektiń qoljetimdiligin arttyrýdyń qarqyndy damyp kele jatqan baǵyty.
Jyljymaly keshenderdiń kómegimen beıindi mamandar 1,2 mln. konsýltasııa, 656 myń dıagnostıkalyq, 333 myń zerthanalyq zertteý júrgizgen. Zerttep qaraý nátıjesinde ártúrli aýrýlary bar 95 myń pasıent anyqtalǵan, onyń 78,3%-y eresekter, 21,7%-y balalar. Kásiptik tekserý qorytyndysy boıynsha 33,7 myń aýyl turǵyny dıspanserlik baqylaýǵa alyndy.
2024 jyly «Salamatty Qazaqstan» medısınalyq poıyzy 128 stansııanyń 104 myń turǵynyn, onyń ishinde 21 000 balany qamtydy, bul ótken jylmen salystyrǵanda 20%-ǵa artyq.
Medısınalyq poıyzdyń mamandary 240 000 medısınalyq qyzmet kórsetti, onyń ishinde 12 500 stomatologııalyq em-shara, 25 000 zerthanalyq zertteý, 8 000 shaǵyn hırýrgııalyq operasııa jáne 24 000 aspaptyq jáne dıagnostıkalyq zertteý júrgizdi.
Qarap-tekserý barysynda túrli aýrýlary bar 5 500 pasıent anyqtalyp, olarǵa qajetti kómek kórsetildi.
«Aýyldyq densaýlyq saqtaýdy jańǵyrtý» ulttyq jobasynyń sheńberinde aýyldyq aýdandarda medısınalyq ınfraqurylymdy júıeli jańartý jalǵasýda.
2024 jyly 460 nysannyń qurylysy aıaqtaldy, taǵy 195 MSAK nysany 2025 jyly tapsyrylady.
Jańa aýyldyq dárigerlik ambýlatorııalarda jáne feldsherlik-akýsherlik pýnktterde alǵash ret kúndizgi stasıonarlar, ambýlatorııalyq ońaltý úshin fızıoterapııa kabınetteri, aýdannan tys jerlerge barmaı zerttep-qaraýdan ótý múmkindigimen zerthanalyq kabınetter paıda boldy.
Jabdyqtalǵan telemedısınalyq kabınetterde aýyldyq pasıentter oblystyq jáne respýblıkalyq klınıkalardyń jetekshi dárigerlerinen qashyqtyqtan konsýltasııa ala alady. Telemedısına qyzmetteri bir jylda 2 esege ulǵaıtyldy.
Aýyl turǵyndaryna joǵary tehnologııalyq medısınalyq kómektiń qoljetimdiligi úshin 2025 jyly 32 aýdandyq aýrýhanany jańǵyrtý jalǵasady, olardyń bazasynda angıograftarmen, KT, MRT jabdyqtalǵan kardıologııalyq ortalyqtar, travmatologııa, reanımasııa, hırýrgııa bólimsheleri ashylady.
Bul sharalar «altyn saǵat» qaǵıdatyn saqtaı otyryp, ınfarkt, ınsýlt, jaraqat jáne basqa da jaǵdaılar kezinde aýyl turǵyndaryna shuǵyl medısınalyq kómek kórsetýdi qamtamasyz etedi, bul osy aýrýlardan bolatyn ólimdi 20%-ǵa tómendetýge múmkindik beredi.
Aýyldyq jerlerge medısınalyq kadrlardy tartý boıynsha jańalyqtar: aýyldaǵy jumysqa ornalasýdy tańdaıtyn tapshylyǵy joǵary beıinder boıynsha jas dárigerler qosymsha qarjylyq yntalandyrýlar, turǵyn úıge jeńildikti kredıtter jáne kásibı ósý úshin múmkindikter alady.
Búgingi tańda óńirlerge medısınalyq joǵary oqý oryndarynyń 4148 túlegi jiberildi, onyń ishinde aýyldyq eldi mekenderge 1233 dáriger bólindi.
Barlyǵy 544 túlek áleýmettik qoldaý aldy. Elimizdiń óńirlerinde alǵash ret aýyldaǵy 89 dáriger, onyń ishinde akýsher-gınekologtar, anestezıologtar-reanımatologtar, hırýrgtar 100 ETJ nemese 8,5 mln teńge mólsherinde birjolǵy tólemdermen qamtamasyz etildi.
Aýyldyq densaýlyq saqtaýdy jaqsartý jónindegi keshendi tásildiń nátıjesinde Qazaqstanda sońǵy 5 jylda syrqattanýshylyq kórsetkishi 12,9%-ǵa, onyń ishinde qala halqynda 15,1%-ǵa jáne aýyl halqynda 9,3%-ǵa tómendedi.
Ana men bala densaýlyǵyn saqtaý salasyndaǵy joǵary tehnologııalyq medısına boıynsha birqatar jobalar búkil el boıynsha aýqymdy.
«Bir kúndik klınıkalar» jobasy júkti áıelderdi prenataldyq dıagnostıkalaýdyń ınnovasııalyq ádisteriniń qoljetimdiligin jáne týa bitken aqaýlary men hromosomalyq patologııasy bar balanyń týý qaýpin ýaqtyly anyqtaýdy, «bir tereze» qaǵıdaty boıynsha qyzmetterdiń joǵary sapasyn, 1 kúnniń ishinde zertteýdiń jyldam jáne dál nátıjelerin alýdy qamtamasyz etedi.
Qazaqstanda alǵash ret «Fetaldyq medısınasy» jobasy iske qosylyp, 20 jatyrishilik operasııa sátti júrgizildi.
Bul tehnologııalar uryqtyń erte patologııalyq jaǵdaılaryn az ınvazıvti emsharalar arqyly túzetýge jáne emdeýge arnalǵan. Olar balalardyń arasynda múgedektiktiń aldyn alý maqsatynda aýyl turǵyndaryna qoljetimdi bolady.
Aýyldar men qalalardyń turǵyndary úshin densaýlyq saqtaýda teń jaǵdaı jasaý ulttyq jobanyń negizgi vektory bolyp tabylady.
