Is Shymkenttegi mamandandyrylǵan aýdanaralyq qylmystyq ister sotynda ashyq sot otyrysynda qaraldy. Áıelge Qylmystyq kodekstiń 99-babynyń 3-bólimi «Kámeletke tolmaǵan adamdy óltirý» boıynsha aıyp taǵyldy.
Qaıǵyly oqıǵa 2024 jyldyń maýsym aıynda bolǵan. Qala turǵyny ápkesiniń qyzy ekeýi Aqpan batyr kóshesindegi jalǵa alynǵan páterde bolǵan.
- Jıeni E (2018 jyly týǵan) oıanyp, jylaı bastaǵan kezde, aıyptalýshy ashýlanǵan. Áıel balanyń qoly men aıaǵyn baılap, uryp-soqqan. Saldarynan bala esinen tanyp qalǵan. Keıin aıyptalýshy vannany sýǵa toltyryp, jıenin sýǵa batyryp óltirgen. Osylaısha qasaqana kisi óltirý qylmysyn jasaǵan, – dep túsindirdi sottyń baspasóz qyzmeti.
Prokýror áıelge 20 jyl bas bostandyǵynan aıyrý jazasyn surady. Jábirlenýshiniń zańdy ókili aıyptalýshyny keshirip, qatań jaza taǵaıyndamaýdy surady. Al aıyptalýshy óz kinásin moıyndaǵan joq.
Sot K.-ny kináli dep taýyp, ony 20 jylǵa bas bostandyǵynan aıyrý jazasyna kesti. Jazasyn orta qaýipsizdik mekemelerinde óteıtin bolady. Úkim zańdy kúshine engen joq.
