Foto: Vedomstvo
Sala vedomstvosynyń baspasóz qyzmetiniń málim etýinshe aqparattyq júıege 17 736 ózen men 2 949 shaǵyn kól, Kaspıı jáne Aral teńizderiniń shekarasy, 8 sý sharýashylyǵy basseıni, 77 sý sharýashylyǵy ýchaskesi, 377 magıstraldy kanal, 56 toǵan, 297 sý qoımasy jáne 548 bóget sıfrlandyrylyp, engiziletin bolady. Atalǵan jumysqa mınıstrlikke qarasty Sý resýrstarynyń aqparattyq-taldaý ortalyǵy da tartylyp otyr. Mekeme sý sharýashylyǵy salasyndaǵy barlyq derekterdi jınaý jáne óńdeý, qysqa jáne uzaq merzimdi boljam, modeldeý jáne basqa da jumystarmen aınalysatyn bolady.
«Júıeni engizý sý resýrstaryn esepke alý jáne basqarý úshin biryńǵaı sıfrlyq platforma qurýǵa, olardy paıdalanýdyń ashyqtyǵy men tıimdiligin arttyrýǵa, sondaı-aq tótenshe jaǵdaıdyń aldyn alý úshin neǵurlym sapaly taldaý men boljam jasaýǵa múmkindik beredi. Búgingi tańda sýdy esepke alý jáne sý resýrstarynyń aǵymdaǵy jaı-kúıin jedel monıtorıng jasaý úshin modýlderdi ázirleý aıaqtalyp qaldy. Bul jumys aıaqtalǵannan keıin júıeni synaqtan ótkizý jáne paıdalanýshylardy oqytý josparlanyp jatyr», dedi Sý resýrstary jáne ırrıgasııa vıse-mınıstri Aslan Abdraımov.
