Foto: Ǵylym jáne joǵary bilim mınıstrligi
Qańtar aıyndaǵy UBT-nyń úsh aptasynda 126 myńǵa jýyq adam test tapsyrǵan. Shekti baldy 72%-ǵa jýyq talapker jınady. Ortasha ball 67 baldy qurasa, eń joǵary ball – 138, ony Shymkent oqýshysy jınaǵan. 150 talapker 130 baldan joǵary ball jınady. 78,7%-y qazaq tilinde, 21,2%-y orys tilinde, 62 adam aǵylshyn tilinde testileýden ótti.
Talapkerlerdiń basym bóligi, 17,8%-y «Bıologııa-Hımııa» pánder kombınasııasyn tapsyrsa, 17,2%-y «Matematıka-Fızıka» jáne 10,4%-y «Matematıka-Informatıka» kombınasııasyn tańdaǵan. Eń az tańdalǵan kombınasııa – «Hımııa-Fızıka», ony 149 adam tapsyrǵan.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda qańtar UBT-syna 295 talapker qatysqan.
Talapkerler testileý aıaqtalǵannan keıin 30 mınýt ishinde apellıasııaǵa bere alady, bul jaǵdaıda sertıfıkat apellıasııa týraly sheshim qabyldanǵannan keıin testilenýshiniń jeke kabınetinde qoljetimdi bolady.
Qazirgi ýaqytta 142 adamnyń nátıjesi joıylǵan. Onyń ishinde 89 talapker smartfon jáne shpargalka sııaqty tyıym salynǵan zattardy alyp ótý áreketi saldarynan test tapsyrý múmkindiginen aıyrylsa, testileý kezinde erejelerdi buzǵany úshin aýdıtorııadan 53 adam shyǵarylǵan.
Aıta ketsek, 2025 jylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady.
Eske salaıyq, qańtar UBT-sy 13 qańtar – 10 aqpan aralyǵynda ótedi. Testileýge qatysýǵa 167 myńǵa jýyq talapker nıet bildirgen.
