Foto: Úkimet
Bilim berý oshaǵy 80 orynǵa laıyqtalyp boı túzeıdi. Mektep salynatyn aımaq qaladaǵy «Temirjol» yqsham aýdany bolyp bekitilgen. Sebebi búginde osy shaǵyn aýdan oqýshylary qalanyń basqa bóligindegi mektepke qatynap júr. Olardy eki aýysymda arnaıy avtobýs tasymaldaıdy.
«Degenmen de oqýshylardyń qalaǵa kelip, ketýi qıyn. Sondyqtan da halyqtyń suraýy boıynsha, ata-ana, balalardyń ótinshi boıynsha osy «Temirjol» yqsham aýdanynda jańa mektep salynady. Aldaǵy ýaqytta, jańa mektep salynsa, eski mektep ǵımaratynan balabaqsha ashýdy josparlap otyrmyz. Balabaqsha ashylsa úıde otyrǵan qanshama jas ata-ana jumyspen qamtylar edi», deıdi Qarajal qalasy bilim berý bóliminiń basshysy Tilesh Ashtaev.
Úkimet Arnaýly memlekettik qordan áleýmettik nysandar salý isin jalǵastyrady. Osy maqsatty júzege asyrý úshin jalpy jıyny 56,6 mlrd teńge bólingen.
