Foto: polisia.kz
IIM málimetinshe, QR-kody bar arnaıy kartochkalarda týrısterdiń elimizde qaýipsiz júrip-turýyna qajetti aqparat pen usynymdar, sondaı-aq paıdaly mobıldi qosymshalardy júkteýge siltemeler kórsetilgen.
Aıta keteıik, alǵashqy kartochkalar elordanyń halyqaralyq áýejaıynda sheteldik qonaqtarǵa berile bastaǵan.
SafeTravel.kz portalyna nusqaıtyn QR-kody bar arnaıy kartochka tómendegideı qyzmetterdi usynady:
- Polısııamen jedel baılanys ornatýǵa arnalǵan «102» mobıldi qosymshasy, onyń ishinde «SOS» fýnksııasy;
- Kóshi-qon zańnamasyn saqtaý jónindegi jadynama;
- Tanymal qosymshalarǵa silteme men júrgen qalanyń kartasy;
- Resmı taksı men onlaın-qyzmetterdiń tizimi;
- Baılanys operatorlary men olardyń resmı saıttaryna silteme;
- Túrli oqıǵalar boıynsha áreket etý algorıtmderi;
- Jedel járdem, órt sóndirý men qutqarý sııaqty basqa da shuǵyl qyzmetterdiń baılanys nómirleri qoljetimdi.
Aıta keteıik, júıe týrısterdiń qaýipsizdigine ǵana emes, sonymen qatar sheteldik ınvestısııalar úshin qolaıly ári tıimdi oryn retinde Qazaqstanǵa degen senimdi arttyrýǵa baǵyttalǵan.
