Foto: Ashyq derekkóz
Joǵarǵy Sottyń málimetinshe, 2011 jyly JShS Shymkent qalasynyń ortalyǵynda ornalasqan saıabaqtan 4 gektar jer telimin jalǵa alǵan. Alaıda, jalǵa alýshy balalar ortalyǵyn salý mindetin oryndaýdyń ornyna, onda «Qııal álemi» oıyn-saýyq saıabaǵyn ornalastyrǵan.
Bul rette ákimdik JShS-nyń jaldaý shartynyń talaptaryn buzǵanyn alǵa tartyp, ony jaramsyz dep taný týraly talap qoıýmen sotqa júgingen.
«MAES-y jáne apellıasııa JShS-ny jer telimin kommýnaldyq menshikke qaıtarýdy mindettedi. Bul sheshim zańdy kúshine engennen keıin ákim saıabaqtaǵy zańsyz salynǵan qurylystardy JShS esebinen buzyp, jer telimin burynǵy qalpyna keltirý týraly talap qoıýmen sotqa júgingen. Sotta JShS jer telimine ornalasqan attraksıondardy, átkenshekterdi jáne basqa da qurylystardy paıdalanýǵa qabyldaý aktilerin zańnamada belgilengen tártippen resimdeý týraly dáleldemelerdi usynbaǵan», delingen habarlamada.
Nátıjesinde, Sot joǵaryda atalǵan mán-jaılardy, sondaı-aq JShS-nyń jer telimin zańsyz paıdalaný faktisin eskere otyryp, talapty qanaǵattandyrǵan. JShS-ny ruqsatsyz ıelengen 4 ga jer telimin ǵımarattardy buzý arqyly bastapqy kúıine qaıtaryp bosatýdy mindettedi.
Sheshim zańdy kúshine engen joq.
