Foto: ashyq derekkóz
Jaqynda sondaı mekemeniń biri óńirge belgili iri kásiporyndar tizimindegi «KAZ Minerals Aktogay» kompanııasy kúre joldardy kúrtik qardan tazartyp, qar qursaýynda qalǵan kólikterdi shyǵaryp, Aqtoǵaı kenti mańynda qolaısyz jaǵdaıǵa dýshar bolǵan jurtshylyqqa kómek qolyn sozdy. 5 aqpannan 6 aqpanǵa qaraǵan túni oblystyq mańyzy bar R-129 avtomobıl jolynda kólik qozǵalysyn qıyndatqan jaǵdaıdan habardar bolǵan kompanııa qyzmetkerleri qolastyndaǵy aýyr tehnıkalardy paıdalanyp qalyń qar basyp qalǵan joldardy tazartýǵa kirisken. Kompanııa qyzmetkerleriniń elgezektiginiń arqasynda jolda qalǵan 15-ten astam júk kóligi men birneshe jeńil avtomobıl qar qursaýynan qutqarylǵan.
Budan bólek jergilikti atqarýshy organdar men turǵyndardyń ótinishi boıynsha Aqtoǵaı kentinen respýblıkalyq tasjolǵa qaraı 60 shaqyrymnan astam ýchaske tazartylǵan.
Qazirgi ýaqytta barlyq kólik qozǵalysy qalpyna keltirildi. R-129 trassasy birneshe eldi mekenderdi aýdan jáne oblys ortalyqtarymen baılanystyratyn jalǵyz jol. Sondyqtan trafıkti qalpyna keltirý jáne ýchaskeniń qaýipsizdigin qamtamasyz etý úshin joldy tazartý boıynsha jedel sharalar óte mańyzdy ekeni anyq.
