Foto: Ashyq derekkóz
Aıta keteıik, sherý 7 mamyrda Astanada «Qazaq eli» monýmentiniń janyndaǵy Táýelsizdik alańynda ótedi dep josparlanǵan.
Sherý úsh kezeńnen turady:
- Birinshi kezeń – tarıhı jáne zamanaýı bólikterden turatyn paradtyq bólimshelerdiń marshy;
- Ekinshi kezeń – tarıhı jáne zamanaýı bólikterden turatyn mehanıkalandyrylǵan kolonnalardyń marshy;
- Úshinshi kezeń – ushaqtardyń ushýy.
«Bul sherýdiń ereksheligi – bizde soǵys jyldaryndaǵy (sol kezdegi – red.) áskerı qyzmetshiler sap túzep, Qazaqstan aýmaǵynda qurylǵan áskerı bólimderdiń jaýyngerlik týlary alǵash ret alańnan ótedi. Bul 23 bólimshe men brıgada. Murajaıymyzda saqtaýly turǵan Jeńis týynyń kóshirmesi T-34 tankinde tasymaldanady», dedi Vıtalıı Adamovıch.
Sondaı-aq ol Jeńistiń 80 jyldyǵyna oraı 42 myń adamǵa mereıtoılyq medal tabystaý josparlanyp otyrǵanyn aıtty. Ol eń aldymen Uly Otan soǵysynyń ardagerleri men tyl eńbekkerlerine arnalǵan.
«Ony júzege asyrýǵa 2,5 mıllıard teńgege jýyq qarajat josparlanǵan. Bul janar-jaǵarmaıǵa, qosalqy bólshekterge, issaparǵa jáne ásker qozǵalysyna, kıim tigýge baılanysty shyǵyndar», dedi Vıtalıı Adamovıch.
Buǵan deıin, elimizde Jeńistiń 80 jyldyǵyn merekeleý aıasynda soǵys ardagerlerine 5 mıllıon teńge kóleminde qarajat aýdarylatyny belgili bolǵan edi.
