«Júkti áıelde preeklampsııa jáne HELLP sındromy anyqtalǵan bolatyn. Osyǵan oraı, birneshe sala mamandary birlese áreket etip, tórt ret shuǵyl ota jasady. Bul jerde naýqasta kóptegen asqynýlarmen, sepsıs, organdardyń durys jumys istemeýi naýqastyń jalpy jaǵdaıynyń aýyrlaýyna ákeldi. Ota kezinde tolyq hırýrgııalyq gemostaz jáne ishki myqyn arterııalaryn baılaý júrgizildi, biraq naýqastyń jaǵdaıy úlken alańdaýshylyq týǵyzdy», deıdi oblystyq aýrýhananyń akýsherlik gınekologııa jáne perınatologııa ortalyǵynyń dırektory Gúljahan Jumadýllaeva.
Operasııadan keıin úshinshi kúni akýsherlik, reanımatologııa jáne gepatologııa salasyndaǵy sarapshylardyń qatysýymen telemedısınalyq keńes júrgizildi.
«Barlyq qıyndyqtarǵa qaramastan, medısına qyzmetkerleriniń tabandylyǵy men kásibıliginiń arqasynda oń nátıjege qol jetkizdi. Birneshe sala mamandary zamanaýı tásilderdi qoldana otyryp, ana men balanyń ómirin qutqaryp qaldy. Búgingi tańda naýqastyń jaǵdaıy jaqsaryp, otbasyna aman-esen oraldy», dep tolyqtyrdy Almaty oblysy Densaýlyq saqtaý basqarmasy basshysynyń orynbasary Leıla Serikbaeva.
