Foto: astanatv.kz
Elimizde ishki áýe tasymalyn alty avıakompanııa 56 baǵyt boıynsha (ósim 10%-ǵa) júzege asyrady. Qazaqstandyq avıakompanııalar jyl saıyn shamamen 10-15 jańa zamanaýı ushaq satyp alady. Qazirgi ýaqytta áýe kemeleriniń parkinde 104 ushaq bar, jyl sońyna deıin taǵy 14 ushaq satyp alynady.
Talǵat Lastaevtyń aıtýynsha, 2024 jyly Eýrokomıssııa Qazaqstan avıakompanııalary úshin Eýroodaq elderine ushýǵa qatysty «Qara tizimdegi» barlyq shekteýlerdi alyp tastaǵan. Qazaqstandaǵy áýe reısteriniń turaqtylyǵy 75 paıyzdy quraıdy. Bul álemdik kórsetkishterge saı.
«Avıasııalyq oqıǵalardy tergeý IKAO ushý qaýipsizdigin baǵalaý úshin asa mańyzdy segiz krıtıkalyq kórsetkishtiń biri. Qazaqstanda bul kórsetkish 51%-dy quraıdy. Basqa kórsetkishterdiń ishinde ol eń tómen bolyp qala beredi. Jyl sońyna deıin kólik oqıǵalaryn tergeý jónindegi arnaıy ortalyq qurý josparlanyp otyr. Ortalyq qajetti qural-jabdyqpen qamtylyp, bilikti mamanndar jumysqa shaqyrylady», dedi Kólik vıse-mınıstri.
Elimizde jyl saıyn áýe reısterin tańdaıtyn jolaýshylar sany artyp keledi. Máselen, byltyr otandyq avıakompanııalar 14,7 mln jolaýshyny tasymaldaǵan. Bul 2023 jylmen salystyrǵanda 11 paıyzǵa kóp. Al áýejaılarda 29,7 mln adam qyzmet kórsetken.
