Foto: QMA
Esterińizge sala keteıik, ol asa iri kólemde alaıaqtyq jasaǵany jáne laýazymdy tulǵalarǵa para berýge ıtermelegeni úshin kúdikke ilingen.
«2023 jylǵy shilde aıynda Sadvaqasov T.H. men advokat Qurmanbaev S.N. ózderiniń qyzmettik baılanystaryn paıdalanyp, Dolgalev V.I.-diń iskerlik seriktesterine qatysty sotqa deıingi tergeý bastaý máselesin sheshýdi usynǵan. Atalǵan máseleni sheshý úshin Sadvaqasov T.H. men Qurmanbaev S.N.-ǵa zańsyz syıaqy retinde 225 mln teńge berý jóninde kelisim jasalǵan. Alaıda, kúdiktiler paranyń alǵashqy bóligi – 90 mln teńgeni alǵannan keıin bul qarajatty óz paıdasyna jaratqan jáne óz mindettemelerin oryndamaǵan», delingen habarlamada.
Keıin Sadvaqasov T.H. qylmystyq jaýapkershilikke tartylýdan qaýiptenip, sottan jasyrynǵan. Ol memlekettik shekarany zańsyz kesip ótip, О́zbekstan Respýblıkasynyń Shekara qyzmeti tarapynan ustalǵan. Soǵan baılanysty oǵan qatysty shekarany zańsyz kesip ótkeni úshin qylmystyq is qozǵalǵan.
«2025 jylǵy 25 aqpanda Túrkistan oblysyndaǵy «Qaplanbek» shekara baqylaý-ótkizý pýnktinde ol Qarjylyq monıtorıng agenttiginiń qyzmetkerlerine tapsyrylyp, keıin Shymkent qalasyndaǵy tergeý ızolıatoryna qamaldy. Jaqyn arada ol Pavlodar qalasyndaǵy tergeý ızolıatoryna jetkiziledi. Atalǵan is Pavlodar oblysynyń mamandandyrylǵan aýdanaralyq qylmystyq sotynda qarastyrylady», dep habarlady vedomstvonyń baspasóz qyzmeti.
